Bagyong Mina Weather Forecast, August 27, 2011, 5am, (Tagalog)

Ang Kalakhang Maynila ay makakaranas ng mga pag-ulan dulot ng habagat. Katamtaman hanggang sa malakas na hangin mula sa Timog-kanluran ang iiral at ang Look ng Maynila ay magiging katamtaman hanggang sa maalon. Ang tinatayang agwat ng temperatura ay mula 25 anggang 30 antas ng celsius (77°F hanggang 86°F).

Ang Hilagang-silangang Luzon ay makakaranas ng masungit na panahon samantalang ang Gitna at nalalabing bahagi ng Hilagang Luzon ay magkakaroon ng paminsan-minsang pag-ulan na may pagbugso ng hangin. Ang Katimugang Luzon at ang Kabisayaan ay magkakaroon ng mga pag-ulan dulot ng Habagat na magiging malawakan ang mga pag-ulan sa Kanlurang bahagi na maaring magdulot ng mga pagbaha at pagguho ng lupa. Ang Mindanao ay magiging madalas na maulap na may kalat-kalat na pag-ulan at pagkidlat-pagkulog.

Katamtaman hanggang sa malakas na hangin mula sa Hilaga hanggang Hilagang-kanluran ang iiral sa Gitnang Luzon at mula naman sa Timog-kanluran sa nalalabing bahagi ng bansa. Ang mga baybaying dagat sa buong kapuluan ay magiging katamtaman hanggang sa maalon.